Алматыда жаңадан асфальт төселген жолдардың сапасы тексерілуде

Жыл басынан бері жөндеуден өткен 140-тан астам көшеден сынама алынған

Алматыда мамандар жаңадан асфальт төселген Төле би көшесінен сынама алды. Енді нәтижесі үш күн ішінде белгілі болмақ, деп хабарлайды Almaty.tv тілшісі.

Егер алынған сынамадан олқылықтар анықталса, мердігер мекемеге жолды қайта жасауға тура келеді. Жалпы жыл басынан бері ұлттық жол орталығы жөндеуден өткен 140-тан астам көшеден сынама алған. Сөздерінше, әзірге айтарлықтай қателіктер анықталмапты.

«Сынамалар зертханалық сынақтан өтеді. Сынақтардан өткенде зертханадада алынған сынаманың тығыздығын және су сіңіргіштігін, битумның мөлшерін анықтаймыз”, – деді «Ұлттық жол активтері сапасы орталығы» РМК Алматы қаласы бойынша филиалының инженері Айдар БЕЙІСБЕКОВ.