Алматыда AMANAT партиясы қалалық филиалының депутаттық фракциясының отырысы өтті

Фракция жұмысына партияның қалалық филиалы атқарушы хатшысының м.а. Қ.Бисембаев, фракция жетекшісі С.Есматов, сондай-ақ фракция мүшелері мен басқарма өкілдері қатысты, деп хабарлайды Almaty.tv.

Мектептерді күрделі жөндеу және салу, студенттерді жатақханалардағы орындармен қамтамасыз ету мәселелері талқыланды. Азық-түлік тауарларының бағасын тұрақтандыру және жанар-жағармай материалдарымен қамтамасыз ету жөніндегі шаралар да депутаттардың қарауынсыз қалған жоқ.

Бірінші болып күрделі жөндеу және мектеп құрылысы бойынша баяндаманы құрылыс басқармасы басшысының орынбасары О.Таджибаев ұсынды. Қазіргі уақытта құрылыс басқармасы 16 мектептің құрылысын жүргізіп жатыр.

«Мектептер бойынша «Мәдениет және «Қалқаман-2» оқу жылының басында, ал «Нұркент» осы жылдың қазан айында аяқталады деп жоспарлануда. Қалған «Дархан» мен «Қайрат» шағынаудандардағы екі мектеп қараша айында аяқтауды жоспарлап отыр», - деді О.Тәжібаев.

Сонымен қатар, 2021-2022 оқу жылында қала бойынша студенттер арасында қажеттілік 32 мыңнан астам төсек-орынды құрады.

Жастар саясаты басқармасының басшысы Қ. Меңдіғалиев қаладағы студенттік жатақханалардың құрылыс жұмыстары туралы есеп берді. Жоғары оқу орындарының соңғы деректері бойынша 22 ЖОО-да 12 647 төсек-орынға арналған 26 жатақхана салу жоспарлануда.

Бағаның негізсіз көтерілуіне жол бермеу үшін В, С класты дүкендерде, базарлар мен сауда желілерінде апта сайын мониторинг жүргізіледі. Бұл туралы Кәсіпкерлік және инвестиция басшысының орынбасары Е. Омаров баяндады. 2022 жылдың басынан бастап Алматы қаласы бойынша ӘМАТ тұтыну бағаларының индексі 119%-ды құрады.

Сонымен қатар, депутаттарды жанар-жағармай материалдарымен қамтамасыз ету туралы хабардар етті. Қазіргі уақытта Алматы қаласында жұмыс істеп тұрған 220 автожанармай құю станциясы орналасқан, оның ішінде 6-уы ірі желілер қатарынан. Жыл басынан бері Алматы қаласына 136,5 мың тонна жеткізілді. ДТ, 420 мың тонна АИ-92 және 105 мың тонна АИ-95.

Өз кезегінде партия мүшелері әлеуметтік маңызы бар азық–түлік бағаларына мониторинг жүргізуді жалғастыруда. Партияның Алматы қалалық филиалымен 9 мониторингтік топ құрылып, 67 сауда орны тексерілді, 19 әлеуметтік маңызы бар азық-түлік тауарларының 17-сі қымбаттады.

Іс-шара соңында қалалық мәслихаттағы AMANAT фракциясының жетекшісі Серік Есматов сайлауалды уәделерді іске асыру бойынша Жол картасының тармақтарын орындаудың, БАҚ-та жариялау және мегаполис тұрғындарын хабардар ету арқылы объектілерге тұрақты негізде мониторинг жүргізудің маңыздылығына тоқталды.