Қорғаныс министрлігі ресми хабарлама жариялады

Қазақстанның Қорғаныс министрлігі ресми мәлімдеме жасады, деп хабарлайды Аlmaty.tv тілшісі ҚР Қорғаныс министрлігінің баспасөз қызметіне сілтеме жасап.

Онда Жаңа оқу кезеңінің басталуына орай биылғы жылдың 3-6 маусым аралығында Қазақстан Қарулы күштері бөлімшелерінің жауынгерлік дайындығы бойынша жаттығулар өтетіні мәлімделген. Бұл туралы ведомствоның баспасөз қызметі хабарлайды. 

- Осыған байланысты жеке құрам жауынгерлік техникамен марш жасау арқылы және теміржол көлігімен еліміздің әртүрлі өңіріндегі полигондарға жеткізіледі. Онда әскери қызметшілер практикалық оқу-жауынгерлік тапсырмаларды орындайды, - делінген хабарда. 

Сондай-ақ бөлімдердің белгіленген мерзімде мақсаты бойынша міндеттерді орындау қабілеті мен үйлесімділігі, әскери қызметшілердің оқытылуы, сондай-ақ командирлердің бағынысты және берілген бөлімшелерді басқару дағдылары бағаланатыны айтылады.  

- Осыған байланысты, әлеуметтік желілерді пайдаланушылардан әскери техниканың қозғалысы туралы жалған хабарламалар мен бейнематериалдарды таратпауды және тек ресми ақпарат көздеріне сенуді сұраймыз, - дейді ведомстводағылар.

Оқи отырыңыз:Мемлекет басшысы Алматы әуежайының жаңа халықаралық терминалына барды