Түркістан әкімі мүгедектер арбасына отырды

Түркістан облысы әкімінің орынбасары Ұлан Тәжібаев пен шаһар басшысы Рашид Аюпов тротуарлардың сапасын білу үшін және қаладағы пандустардың ыңғайлылығын тексеру үшін қаланы қоларбамен аралап өтті, деп хабарлайды Zakon.kz.

«Сенім жүрек» мүгедектердің қоғамдық бірлестігінің жетекшілерімен бірлесе өткізген шара аясында бір топ шенеунік Түркістан қаласындағы қоғамдық орындар мен орталықтарды аралап, қоғамдық көлікке мініп көрді.

Қала әкімі мүгедек жандардың кез келген қоғамдық орынға баруына кедергі келтірмейтіндей жағдай жасау керектігін, жаңадан салынып жатқан ғимараттарда пандустар салып, оның биіктігін тиісті талапқа сай келтіруді міндеттеді.