Меншікті өндіріс
Біз әлеуметтік желілердеміз
Түрмеден қарулы топ қашып кетті: Ішкі істер министрлігі жауап берді
Кеше белгісіз біреулер Шығыс Қазақстан облысындағы түрмеден қаруы бар сотталған азаматтар қашып кеткені туралы хабарлама таратты
Ішкі істер министрлігі Шығыс Қазақстандағы түрмеден сотталғандардың қашып кетуіне қатысты ақпаратты жоққа шығарды, деп хабарлайды Sputnik Қазақстан.
Ресми мәліметке сәйкес, кеше белгісіз біреулер Шығыс Қазақстан облысындағы қылмыстық атқару жүйесі департаментінің ОВ-156/15 мекемесінен қаруы бар сотталған азаматтар қашып кеткені туралы хабарлама таратты.
"Семей қаласы 35 колония, қаруы бар зектер қашып кетті. Семей, Дмитриевка, Бородулиха, Жезкентте қауіпсіздік шаралары күшейтілді. 100% ақпарат", - делінген хабарламада.
Ішкі істер министрлігінің қылмыстық-атқару жүйесі комитеті ол ақпараттың шындыққа жанаспайтынын мәлімдеді.
"Қазіргі кезде қылмыстық атқару жүйесінің мекемелерінде жағдай тұрақты", - делінген комиеттің ресми хабарламасында.
Осыған байланысты комитет мамандары жалған ақпарат таратқаны үшін қылмыстық жауапкершіліктің бар екенін еске салды.
Қылмыстық кодекстің 274-бабына сәйкес, қоғамдық тәртіпті бұзу немесе азаматтардың немесе ұйымдардың құқықтары мен заңды мүдделеріне не қоғамның немесе мемлекеттің заңмен қорғалатын мүдделеріне елеулі зиян келтіру қаупін төндіретін көрінеу жалған ақпаратты бұқаралық ақпарат құралдары немесе телекоммуникация желілері арқылы таратқаны үшін үш мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не сегіз жүз сағатқа дейінгі мерзімге қоғамдық жұмыстарға тартуға не үш жылға дейінгі мерзімге бас бостандығын шектеуге не сол мерзімге бас бостандығынан айыруға жазасы қолданылады.