Әлемдегі басты қару экспорттаушы елдер аталды

Стокгольмдік әлемдегі проблемаларды зерттейтін халықаралық институт (SIPRI) жыл сайынғы баяндамасын жариялады, онда ең ірі қару жеткізушілер аталды, деп жазады Baq.kz.

Құжаттағы мәліметтер бойынша әлемдегі ең ірі қару экспорттаушылар – АҚШ, Ресей, Қытай, Франция және Германия. Олар дүниежүзілік жалпы экспорт көлемінің 75%-ын иеленіп отыр, оның үстіне алғашқы екі елдің үлесі – 57%.

Мәселен, 2014-2018 жылдар аралығында Ресей 48 елге, оның ішінде негізінен, Үндістан, Қытай және Алжирге қару жеткізген.

Сонымен қатар, құжатта дүниежүзілік қару экспортының көлемі 7,8% артқаны да айтылған. Сондай-ақ, Таяу Шығыс елдерінде қаруды импорттау көлемі ұлғайған, олардың қатарында Сауд Арабиясы, Израиль, Катар және Ирак бар.