Ақтүтек боранда елорда көшелеріне қасқырлар кіріп кеткені жайлы ақпарат тарады

Әлеуметтік желілерде түз тағысының көшені емін-еркін кезіп жүргені көрінеді. Бұл тұрғындардың үрейін тудырды. Видеоны таратушылар тіпті сақ болуға шақырды, деп хабарлайды Almaty.tv тілшісі.

Алайда бүгін Нұр-Сұлтан қаласының Полиция департаментінің баспасөз қызметі бұл ақпаратты жоққа шығарды. Олар елордадағы Халыққа қызмет көрсету орталығы мен Көктал ауданында қасқырлар жүр деген бейнеролик авторларын іздестіріп жатқанын мәлімдеп, жалған ақпаратты таратушылар міндетті түрде жауапкершілікке тартылатынын ескертті.