Осыдан аз уақыт бұрын әкімнің тапсырмасымен көшелер мен аулаларды жарықтандыру бойынша ауқымды жұмыстар басталған болатын. Бүгінде бұрын жарық жүйесі болмаған 208 көшеге шам орнату жұмыстары аяқталуға жақын. Шамамен 4000-ға жуық жарық шамдары қазан айының соңына дейін орнатылады, деп хабарлайды Almaty.tv тілшісі.
Сонымен қатар, Бақытжан Сағынтаевтың тапсырмасына сәйкес сынған және ақауы бар жарық шамдарын анықтау үшін күнделікті тексеру жұмыстары жүргізілуде. Қала әкімі құрылғылардың сапасы бақылауда екенін жеткізді. Келесі жылдың соңына дейін қаланың жарықтандыру деңгейін жүз пайызға жеткізу жоспарлануда.
