Үкіметтің 2023 жылғы 15 желтоқсандағы қаулысымен 2022 жылғы 1 қыркүйекке дейін ҚР аумағына әкелінетін көлік құралдарының жекелеген санаттарын бастапқы тіркегені үшін алым мөлшерін қолдану және жеке тұлғаларды кеңейтілген міндеттемелерінен босату қағидасына өзгеріс енгізілді, деп хабарлайды Аlmaty.tv тілшісі zakon.kz-ке сілтеме жасап.
Атап айтқанда көлік құралдарын Қазақстан Республикасының аумағына әкелген жеке тұлғаларды Қазақстан Республикасының заңнамалық актілеріне сәйкес өндірушілердің кеңейтілген міндеттемелерінен босатып, бастапқы тіркегені үшін 200 000 теңге мөлшеріндегі алым мөлшерлемесін қолдануға қатысты пункт өзгертілді.
Өтініштер 2023 жылғы 1 шілдеге дейін қабылданған. Алайда сол мерзімге дейін берілген өтініштер 2023 жылғы 31 желтоқсанға дейін қаралады.
Бұйрық 2023 жылғы 1 қаңтардан бастап қолданысқа енгізілді.
Оқи отырыңыз: 2023 жылы Алматыда қанша жол жөнделеді
