Меншікті өндіріс
Біз әлеуметтік желілердеміз
Мас күйінде көлік жүргізгендердің жазасын қайта қарау керек - Олжас Бектенов
Жыл басынан бері 6 миллионға жуық жол ережесін бұзудың жолы кесілді
Премьер-министр Олжас Бектенов Ішкі істер министрлігіне мас күйінде көлік жүргізгендердің жазасын қайта қарауды тапсырды, деп хабарлайды Almaty.tv тілшісі ҚазАқпаратқа сілтеме жасап.
«Жыл басынан бері 6 миллионға жуық жол ережесін бұзудың жолы кесілді. 12 мыңнан астам мас жүргізуші ұсталды. Тәжірибе көрсеткендей, мұндай тәртіп бұзатындарға өте қатаң шаралар қолданылуы қажет», - деді ол.
Үкімет басшысы Үкіметтің бұл мәселедегі басты міндеті адам өмірін сақтау екенін еске салды.
«Сондықтан осындай құқықбұзушылықтардың алдын алу тәсілдерін қайтадан қарау қажет деп санаймын. Біздің басты міндетіміз – жол қозғалысы қауіпсіздігін қамтамасыз ету, авариялар мен өлім-жітімді азайту. Ол үшін жүйелі іс-шараларды әзірлеу керек», - деді Олжас Бектенов.
Оқи отырыңыз: Еліміздің қай жолдарында жол апаты жиі болады