Елордада бастауыш сыныптар үшін мектептегі сабақтар тоқтатылды

Нұр-Сұлтанда екінші ауысымдағы 0-4 сыныптар үшін мектептегі сабақтар тоқтатылды, деп хабарлайды Almaty.tv тілшісі Tengrinews.kz сілтеме жасап.

«Нұр-Сұлтан қаласының Төтенше жағдайлар департаменті Білім басқармасының шешімі бойынша 2021 жылдың 14 қаңтарында ауа райының қолайсыздығына байланысты (қатты аяз, -29 градус) екінші ауысымдағы 0-4 сынып оқушылары үшін сабақтар қашықтан оқыту форматына көшетінін хабарлайды»,– деді ТЖД өкілдері.

Еске салайық, Қазақстанда 37 градус аяз болатынын хабарлаған едік. Синоптиктердің мәліметінше, еліміздің төрт облысында ауа райы бұзылады.