Меншікті өндіріс
Біз әлеуметтік желілердеміз
2025 жылға дейін 2 млн жаңа жұмыс орны құрылады - министр
Еңбек министрлігінің қатысуымен барлығы 33 іс-шара қарастырылған
2025 жылға дейін 2 миллион жаңа жұмыс орны құрылады. Бұл туралы Үкімет отырысында ҚР Еңбек және халықты әлеуметтік қорғау министрі Серік Шәпкенов айтты, деп хабарлайды Almaty.tv тілшісі ҚазАқпаратқа сілтеме жасап.
«Халық табысын арттыру жөніндегі 2025 жылға дейінгі бағдарлама аясында Еңбек министрлігі жаңа жұмыс орындарын құру, халықты жұмыспен қамтуға жәрдемдесу, еңбек ресурстарының дағдыларын жетілдіру және жастарды кәсіптік бағдарлау бойынша 3 негізгі бағытта жұмыстар жүргізетін болады», - деді ол.
Министрдің айтуынша, Еңбек министрлігінің қатысуымен барлығы 33 іс-шара қарастырылған. Оның 16-сы тікелей министрлікпен жүзеге асырылады.
«Бұл іс-шаралар күнкөріс деңгейінен төмен табыс табатын халықтың үлесін азайту, жұмыссыздық көлемін төмендету, 2025 жылға дейін 2 миллиондай жаңа жұмыс орындарын құруды көздейді», - деді Серік Шәпкенов.