«Қаңтар оқиғасы»: 402 айыпталушының ісі сотқа жолданды

«Қаңтардағы оқиға» бойынша айыпталушылардың ұрланған заттарды алып қою және зиянды тегістеу есебінен 95 млн теңге өтелді. Бұл туралы ҚР ІІМ Тергеу департаментінің бастығы Санжар Әділов айтты, деп хабарлайды Almaty.tv.

«Ішкі істер органдары заңдылық пен құқықтық тәртіпті қалпына келтіру, құқық бұзушыларды анықтау және азаматтарға келтірілген залалды өтеу мақсатында әлі де жалғасуда.

Жедел және сапалы тергеу нәтижесінде ішкі істер органдарының тергеушілері айыптау актісімен 402 айыпталушыға қатысты 255 қылмыстық істі аяқтап, сотқа жіберді.

Осы істер бойынша жәбірленушілерге келтірілген залалды өтеу шамамен 95 млн теңге болды. Бұл полиция қызметкерлерінің сотқа дейінгі тергеп-тексеру барысында ұрланған заттарды тауып алуы және тәркілеп алуы, сондай-ақ жасалған әрекеттің салдарын түсінген айыпталушылардың келтірілген залалды өтеуі есебінен қамтамасыз етілді», - деді Санжар Әділов.