Елорда тұрғыны мопед рулін басқара алмай "КамАЗ" көлігіне соғылған. Бұл туралы Астана қалалық Полиция департаменті мәлімдеді, деп хабарлайды Almaty.tv.
«25 тамызда сағат 21:14 шамасында мопед жүргізушісі Қабанбай батыр даңғылынан Ақмешіт көшесіне қарай Сарайшық көшесімен келе жатып, рөлді басқара алмай, тұрған «КамАЗ» автокөлігіне соқты. Апат салдарынан мопед жүргізушісі оқиға орнында қайтыс болды», - делінген елорда полициясының баспасөз қызметі таратқан ақпаратта.
Аталған факті бойынша қылмыстық іс қозғалды, тергеу жүріп жатыр.
Айта кетейік, Ішкі істер министрлігінің мәліметінше, биыл мопедтерге қатысты жол-көлік оқиғасында 40-тан астам адам мерт болған.
Оқи отырыңыз: Қазақстан аумағында бірнеше жол ақылы болады
