Қазақстанда ет бағасы неге қымбаттады

Қазақстанда ет пен ет өнімдерінің бағасы бір жылда 9 пайызға өсті. Бұл ретте елімізде ет тұтыну көлемі артып келеді, деп хабарлайды Аlmaty.tv тілшісі Zakon.kz-ке сілтеме жасап.

2023 жылғы қыркүйекте ет және ет өнімдерінің бағасы 2022 жылғы қыркүйекпен салыстырғанда орта есеппен 8,6%-ға өсті. 

Ет пен құс еті 8,3 пайызға, шұжық 9,9 пайызға, ет өнімдері 8,4 пайызға қымбаттады.

Еттің ішінде сиыр еті ең қымбаттаған (+10,6%), бағаның өсуі бойынша шошқа еті екінші орында (+10,3%)

Жылқы еті үшінші орында (+7,3%)

Қозы еті (+6,7%) мен құс еті (+2,8%) да қымбаттады. 

Шұжық өнімдерінің ішінде бағаның айтарлықтай өсуі қайнатылған (+10,4%) және жартылай ысталған (+9,4%) болды.

Ет және ет өнімдері ең көп Ақмола (+13,9%), Алматы (+12,2%) облыстарында және Астанада (+11,8%) қымбаттады. Баға ең аз өскен Шымкентте (+3,1%).

2023 жылдың қаңтар-қыркүйек аралығында Қазақстанда 57,4 мың тонна ет өндірілді. Бұл 2022 жылдың сәйкес кезеңімен салыстырғанда 8,4%-ға артық. Өндіріс көлемі бойынша Қостанай, Солтүстік Қазақстан және Ақтөбе облыстары көш бастап тұр. Жалпы 2022 жылы елде 73,1 мың тонна ет өндірілді, бұл бір жыл бұрынғыдан 11,4 пайызға артық.

Қазақстанда ірі қара, жылқы, түйе, қой, құс саны да өсті. Ешкі (-3,5%) және шошқа (-2%) аз болды.

Бағаның үздіксіз көтерілуіне қарамастан, Қазақстанда ет тұтыну артып келеді. 

2023 жылдың екінші тоқсанында бір адамға 19,7 кг құрады (өткен жылмен салыстырғанда +3,5%). Көбінесе қазақстандықтар сиыр, жылқы және қой етін жейді, ал ет тұтыну бойынша көшбасшылар Атырау, Ақмола және Маңғыстау облыстары болып табылады.

Бұған дейін сарапшылар ет бағасының өсуін одан да жоғары, яғни 12%-ға бағалаған болатын.

Оқи отырыңыз: Павлодарда 13 жылдан бері іздеуде жүрген азамат ұсталды