Меншікті өндіріс
Біз әлеуметтік желілердеміз
Жамбыл облысының тұрғыны 13 келі есірткіні таратпақ болды
Қазіргі уақытта күдікті қалалық ПД-ның уақытша ұстау изоляторына қамалды
Елорда тәртіп сақшылары Жамбыл облысының тұрғынын 13 келі есірткімен ұстады, деп хабарлайды ҚазАқпарат порталы қалалық ПД баспасөз қызметіне сілтеме жасап.
«Нұр-Сұлтан қаласы ПД Есірткі қылмыстарына қарсы іс-қимыл басқармасының қызметкерлері 37 жасар Жамбыл облысының тұрғынын ұстады. Ол 13 келі «гашиш» есірткісін қалаға «Қарағанды-Нұр-Сұлтан» тас жолындағы бекет арқылы алып өтпек болған жерде ұсталды», делінген хабарламада.
Қазіргі уақытта күдікті қалалық ПД-ның уақытша ұстау изоляторына қамалды. Аталмыш факті бойынша сотқа дейінгі тергеп-тексеру жүргізілуде.
Баспасөз қызметінің мәліметінше, күдікті есірткіні елорда аумағында таратпақ болған. Полиция есірткі сатушылардың қылмыстық байланысы мен сату орнын анықтау барысында әрі қарай іс-шаралар жүргізуде.