Семей, Өскемен және Атырау мектептерінде сабақ тоқтатылды

Sputnuk

Семей, Атрау, Өскемен қалаларында қар жауып, күн күрт суытты

Атырауда ауа райының күрт бұзылып, қар жаууына байланысты бірінші аусымдағы оқушыларға сабақ болмады, деп хабарлайды қалалық әкімдіктің баспасөз қызметі.

«Бүгін Атырау қаласында бірінші ауысымдағы мектеп оқушылары ауа райының қолайсыздығына байланысты сабақтан босатылады. Екінші ауысымдағы оқушыларға сабақ болатыны немесе болмайтыны туралы түске дейін ескертіледі», - делінген хабарламада.

Сонымен қатар, Семей және Өскемен қалаларында бірінші ауысымдағы оқушылар сабақтан босатылды.

«Білім басқармасының қаулысымен ауа райы қолайсыздығына байланысты Семей және Өскемен қалаларында бірінші ауысымда оқитын 1-9 сыныптардың оқушылары сабақтан босатылды», - деп хабарлайды облыстық Төтенше жағдайлар қызметі.