Қаскелең қаласында Ұлы Отан соғысынан оралмаған жауынгерлерге қойылған ескерткішті белгісіз біреулер қорлаған. Қырнап тұрып ұятсыз сөздер жазған бұзақыларға тұрғындар өте наразы, деп хабарлайды Almaty.tv тілшісі.
Жергілікті билік әлгі ескерткіш туралы видеоны тұрғындар әлеуметтік желіге жүктеген соң ғана қозғала басталған. Әйтсе де, шенеуніктер ескерткіштегі бейәдеп сөздерді толық өшіре алған жоқ. Нысан осыдан небәрі төрт-ақ жыл бұрын ғана орнатылған екен.
«Әлеуметтік желілерден көріп, соған енді мән беріп, тазалау жұмыстарын жүргізе тастадық. Алдағы уақытта арнайы күзетшіні жалдау жоспарда бар», - дейді Алматы облысы Қарасай ауданы баспасөз қызметінің өкілі Бақдәулет ТӘЛІПОВ.
