Қазақстанда әскери шеру болмайды: Қорғаныс министрлігі себебін айтты

Қорғаныс министрлігі биыл бюджет қаржысын үнемдеу мақсатында Жеңіс күніне орай әскери парад өткізбейді, деп хабарлайды Almaty.tv тілшісі ведомствоның баспасөз қызметіне сілтеме жасап.

"2022 жылы Қазақстанда бюджет қаражатын үнемдеуге және басқа да міндеттерді шешу қажеттілігіне байланысты әскери парад өткізу жоспарланып отырған жоқ", - делінген хабарламада.

Атап айтқанда, министрлік Қазақстан Қарулы күштері бөлімшелерінің жауынгерлік әзірлігі мен ұтқырлығының қажетті деңгейін қолдауға, мемлекеттік және әскери нысандарды күзету мен қорғауды қамтамасыз ету жөніндегі тапсырмаларды орындауға басымдық беріп отыр.

Бұған дейін Қазақстанда Ұлы Отан соғысындағы Жеңіс күніне орай әскери парад өтпейтіні хабарланды. Бірақ өңірлерде әскери-патриоттық іс-шаралар жоспарланған. Барлығы 50-ге жуық шара өтеді.