Алматы қаласының әкімі Бақытжан Сағынтаев мегаполис тұрғындарын үйде қалуға және айрықша қажеттілік болмаса көшеге шықпауға шақырады, деп хабарлайды Аlmaty.tv тілшісі.
«Шектеу шараларын күшейту, әсіресе қалада жүріп-тұруды доғару шаралары бәрімізге қатысты. Басты мақсат — ауа-тамшы жолымен берілетін коронавирустың белең алып кетпеуіне тосқауыл қою. Аса қажеттілік туындамаса, үйден шықпаңыздар. Карантин кезінде оқшауланып, үйіңізде отырсаңыз, сіз өзіңізді және жақындарыңызды қауіпті індетті жұқтырудан сақтайсыз», – дейді қала әкімі Instargam парақшасында.
