Алматының Момышұлы көшесінде 13-23 тамыз аралығында көлік қозғалысы уақытша шектелетін болады, деп хабарлайды Almaty.tv тілшісі. Бұл туралы Алматы қалалық Мобилділік басқармасы мәлім етті.
«Момышұлы көшесі мен Райымбек даңғылы қиылысындағы жол айрығында жөндеу жұмыстарының жүргізілуіне байланысты 13-23 тамыз аралығында Момышұлы көшесінде көлік қозғалысы уақытша шектелетін болады», делінген хабарламада.
Алматы қалалық Мобилділік басқармасы келтірілген қолайсыздық үшін қала тұрғындарынан кешірім сұрайды.
Сонымен қатар, жүргізушілерге жол жүру бағытын алдын ала жоспарлауға кеңес береді.
