ІІМ Әкімшілік полиция комитеті төрағасының орынбасары Жандос Дүйсебайұлы Мұратәлиев өмірден өтті, деп хабарлайды Almaty.tv.
«ҚР ІІМ Әкімшілік полиция комитеті төрағаның орынбасары Жандос Дүйсебайұлы Мұратәлиевтің (02.01.1975-13.06.2023) ұзақ науқастан кейін қайтыс болуына байланысты туған - туыстары мен отбасына қайғыларына ортақтасып көңіл айтады. Бұл орны толмас қазада қайғыларына шын жүректен ортақтастығымызды білдіргіміз келеді. Бұл – бәріміз үшін мезгілсіз келген қайғы, өкініш...», – делінген комитет хабарламасында.
Полиция полковнигі Жандос Мұратәлиев 1975 жылы 2 қаңтарда Алматы облысында дүниеге келген.
1997 жылы әль-Фараби атындағы Қазақ ұлттық университетін бітірген. Мамандығы – заңгер.
2016 жылы Л.Б. Гончаров атындағы Қазақ автомобиль-жол университетін бітірген. Мамандығы бойынша біліктілігі: тасымалдауды ұйымдастыру, қозғалыс және көлік құралдарының жұмысы. Диплом бойынша біліктілігі: Техника ғылымдарының магистрі.
1997 жылғы қазан айынан 2008 жылғы маусым аралығында – Алматы қ. ІІД, ҚІІБ тергеушісі, аға тергеушісі болды.
2008 жылғы маусым айынан 2010 жылғы ақпан аралығында – Алматы қ. және Алматы облысы бойынша Кедендік бақылау департаментінде қызмет етті.
2010 жылғы ақпан айынан 2013 жылғы қазан аралығында – Алматы қ. ІІД Жол полициясы басқармасының бөлім бастығы, басқарма бастығының орынбасары қызметін атқарды.
2013 жылғы қазан айынан 2021 жылғы шілде аралығында – Алматы қ. ПД Әкімшілік полиция басқармасы бастығының орынбасары, басқарма бастығы болды.
2021 жылғы шілде айынан қазіргі уақытқа дейін – ҚР ІІМ Әкімшілік полиция комитеті төрағасының орынбасары қызметін атқарды.
Қызметте қол жеткізген жетістіктері үшін Ішкі істер министрлігі басшылығы бірнеше рет марапаттады.
