Меншікті өндіріс
Біз әлеуметтік желілердеміз
Бүгін «Алматы» телеарнасындағы «Таңғы STUDIO» бағдарламасының мерекелік шығарылымында ерекше оқиға болды. Бағдарлама жүргізушісі, актер Тәуекел Мүслім өзімен аттас Тәуекел есімді бүлдіршіннің тұсауын кесті, деп хабарлайды Almaty.tv.
Ырымдап ат қою – қазақтың қанына сіңген дәстүрі. Әжесінің айтуынша, Тәуекелдің есімі де осы дәстүрге негізделген.
«Тәуекел ағасы сияқты болсын, соның жолын берсін деп ырымдадық. Бүлдіршіннің есімін әпкесі өзі таңдап қойды», – деді әжесі.
«Таңғы STUDIO» бағдарламасының жүргізушісі, актер Тәуекел Мүслім тікелей эфирде кішкентай Тәуекелдің тұсауын кесіп, туған күнімен құттықтады.
«Басқан қадамы құтты болсын! Еліміздің өркендеуіне, дамуына үлес қосатын үлкен азамат болсын!» – деді Тәуекел Мүслім.