Елбасы Нұрсұлтан Назарбаев жұмыссыз жүрген жастарға үндеу жасады. Оңай ақшаның соңынан қумай, адал ақша табуға шақырды, деп хабарлайды Аlmaty.tv тілшісі.
«Мен жұмыс таппай, әркімнің бір табалдырығын тоздырғаннан кейін оңай ақшаның соңынан кететін жастарға әрдайым айтып келемін. Қыздарға да, ұлдарға да. Мұндайды көру аянышты, себебі жұмыс бар. Бала бақсаң да, үй тазаласаң да, ас дайындасаң да, әйтеуір еңбек етуге болады, бірақ өзіңді өзің ешқашан сатпауың керек», - деді Назарбаев.
Ол жұмыссыздарға Naimi.kz ұялы қосымшасын ұсынды.
«Бұл қосымша барлығына жұмыс ұсынады және жақсы ақша табуға көмектеседі. Жұмыс - бақуатты өмірдің басты қайнар көзі», - деді Назарбаев.
