«Алматы» телеарнасының қаза тапқан қызметкері «Ерлігі үшін» медалімен марапатталды

Almaty.tv

Мұратхан Базарбаев жаппай тәртіпсіздік кезінде оқ тиіп қаза болған еді

Алматыдағы жаппай тәртіпсіздік кезінде «Алматы» телеарнасының қаза тапқан қызметкері Мұратхан Базарбаев ҚР Президенті Қасым-Жомарт Тоқаевтың 2022 жылғы 28 қаңтардағы Жарлығы бойынша «Ерлігі үшін» медалімен марапатталды, деп хабарлайды Almaty.tv тілшісі.

Мемлекет басшысы қол қойған құжатты «Алматы» телеарнасының бас директоры Нұржан Жалауқызы марқұмның ұлы Елдар Мұратханұлына табыс етті.

Еске салсақ, 6 қаңтарда «Алматы» телеарнасының қызметкерлері түсірілім кезінде террористердің заңсыз әрекетіне тап болып, көлікке атылған оқ салдарынан Мұратхан Базарбаев оқиға орнында жантәсілім еткен болатын.