Мемлекеттік қызметкерлер күні: Алматыда сала ардагерлері мен жастар кездесті

Алматыда мемлекеттік қызметкерлер күні қарсаңында көпжылдық еңбек өтілі бар сала ардагерлері жастармен кездесті, деп хабарлайды Almaty.tv тілшісі.

Олар елге қызмет етудің қиындығы мен қызығын айтып, тәжірибелерін бөлісті. Іс-шараның негізгі мақсаты да осы – еліміздің даму жолында аянбай еңбек етіп, отансүйгіштікке тәрбиелеу.  

«Алдағы 23 маусым күні мемлекеттік қызметкерлер күні аясында Алматы қаласы әкімінің қатысуымен үздіктерді марапаттап құттықтаймыз», – деді Қалалық мемлекеттік қызмет істері департаментінің басшысы Елдар Үйсімбаев.