Наурыз көже дайындауға қанша қаражат кетеді

Ұлыстың ұлы күні қарсаңында әр отбасы Наурыз мерекесінің басты тағамы – наурыз көже дайындайды. Ол келер жылғы молшылықтың жоралғысы ретінде наурыз тойында әрбір шаңырақта міндетті түрде әзірленген. Халықтық дәстүр бойынша көжеге бидай, тары, сүр ет, бұршақ, сүт, су, тұз сияқты кем дегенде жеті түрлі азықтық заттар міндетті түрде қосылуы тиіс. Тақ санын сақтап, мұндай заттар көбейтіле беріледі. Соғымнан арнайы сақталған қазы, қарта, шұжық та қосылады. Ол негізінен бидай көже, тары көже секілді әзірленеді. Наурыз көжені Қазақстанның әр өңірі өзіндік әдіспен дайындайды. Көжені дайындауға бір отбасы шамамен 5-8 мың теңге жұмсайды. 

Сурет: ҚазАқпарат агенттігінен алынды