Шығыс Қазақстанда биыл 8 адамды жылан шақты

Depositphotos

Жылан шаққан жағдайда міндетті түрде дер кезінде медициналық көмекке жүгіну керек

Шығыс Қазақстан облысында жыл басынан бері 8 адамды жылан шақты, деп хабарлайды Almaty.tv тілшісі ҚазАқпаратқа сілтеме жасап.

ШҚО Денсаулық сақтау басқармасының мәліметіне сүйенсек, өңірде жылан шаққандар тамыз айында көбейе түседі. Жалпы жыл басынан бері жылан шаққан 8 адам ауруханада ем-дом қабылдаған.

«Жылан шаққан жағдайда міндетті түрде дер кезінде медициналық көмекке жүгіну керек. Осындай сәтте әр минуттың маңызы зор. Себебі адам организмі жылан уынан әртүрлі әсерде болады. Сондықтан ауруханаға жатып, толыққанды емделіп шыққаны жөн», - дейді облыстық мамандандырылған медициналық орталықтың токсикология бөлімінің меңгерушісі Александр Майстер.