Максим Галкин белорус балаға Қазақстанның туын сыйлады (видео)

Беларусьтің Гродно қаласының тұрғыны Вадим Денисевич "Лучше всех" шоуының жүргізушісі Максим Галкиннен Қазақстанның туын алды. Балақайдың географиядан білімі жұртты таңғалдырды, ол әлемнің әртүрлі елдерінде орналасқан көрнекі жерлерді жатқа айтады.

Төрт жастағы Вадим Денисевич 150 елдің туын, көптеген әнұранды және мәдени көрікті жерлерді біледі. Оны ол шоуда дәлелдеді.

Үш номинация: "Ту", "Әнұран" және "Көрікті жерлер" бойынша өткен сайыста балақай барлық сұраққа дұрыс жауап беріп, жеңіске жетті.

Соңында Максим Галкин Вадимді медальмен марапаттап, тәттілер салынған жолдорбаны сыйға тартты және бала көптен бері өз коллекциясына алғысы келіп жүрген Қазақстанның жалауын тапсырды.

Sputnik.