Барахолкада арандатушылар анықталды - ІІМ

Полицейлер Алматы барахолкасында жанжал шығаруға шақырған арандатушылар анықталды. Бұл туралы ІІМ министрінің орынбасары айтты, - деп хабарлайды Tengrinews.kz.

Орталық коммуникациялар қызметінің брифингінен кейін құлуарларда журналистер Калайчидиден Алматыдағы Барахолкада жанжал шығаруға үгіттеген адамдар туралы сұрады.

Алматы барахолкасындағы арандатушылар ұсталды ма деген сұраққа министрдің орынбасары былай деп жауап берді: «Мен былай айтайын, «ұсталды» деген сөзді қоя тұрайық, бірақ, олардың кім екендері анықталды. Барлығымен ісіміз болады, себебі онда осындай үндеу тастап, жанжал шығаруға шақырғандар бар, яғни әкімшілік құқық бұзушылық құрамы мен қылмыстық құрам бар».