Қазақстанда электромобильдерді кедендік бажсыз әкелу мерзімі ұзартылды

Қазақстанда электромобильдерді кедендік бажсыз әкелу мерзімі екі жылға ұзартылды. Бұл туралы Бішкекте өткен Еуразиялық үкіметаралық кеңестің кеңейтілген құрамдағы отырысында айтылды, деп хабарлайды Almaty.tv.

Маңызды басқосуда 30 мәселе қаралған. Бірі – қазақстандықтар үшін аса қажетті электр қозғалтқышы бар автокөліктерді қосымша төлемсіз елге жеткізу. Жиынға қатысқан Үкімет басшысының орынбасары Серік Жұманғарин бастаманың ТМД елдер арасындағы өзара саудада оң серпін беретінін атап өтті.

– Кедендік бажсыз электрокөлік әкелу мерзімін 2 жылға ұзарттық. Биыл 96 мың электрокөлікке квота бөлінді. Оның 30 мыңы Қазақстанға арналған, – деді ҚР Премьер-министрінің орынбасары Серік Жұманғарин.

Оқи отырыңыз: Оқушылар арасында вейпсіз әлем челленджі өтті