Елімізде бала туу көрсеткіші артып келеді

2021 жылы Қазақстанда 450 652 бала дүниеге келді. Бұл 2020 жылмен салыстырғанда 23 349-ға көп, деп хабарлайды Almaty.tv.

Денсаулық сақтау министрлігі кейінгі бес жылда Қазақстанда бала туу көрсеткіші 7%-ға өскенін хабарлады.

"Соңғы 5 жылда елімізде бала туудың тұрақты өсуі байқалады. Олардың жалпы алғанда 7,2%-ға, туған балалар саны 15%-ға артты. 2021 жылы КВИ ауруының өсуіне байланысты COVID-19-бен сырқат жүкті әйелдер мен бала туу жасындағы әйелдердің саны 2020 жылмен салыстырғанда 2,5 есе өсті. 2020 жылы олардың саны 10,2 мыңға жуық болса, 2021 жылы 26 050-ге жетті", - делінген Денсаулық сақтау министрлігінің баспасөз қызметі таратқан хабарламада.

Реанимация бөлімшелерінде коронавирус инфекциясын ауыр өткеріп жатқан жүкті әйелдердің саны 2,4 есе көп. Ал өкпенің жалпы зақымдануы бар 61 пациент экстракорпоральды мембраналық оксигенация (ЭКМО) аппаратына қосылған. Бұл 2020 жылмен салыстырғанда 4,5 есе көп.

Бүгінде республикада 239 босандыру ұйымдары, 144 - 1-ші деңгейлі, 56 - 2-ші деңгейлі перзентханалар, 3-ші деңгейлі 39 перинаталдық орталықтар жұмыс істейді. Онда 8 354 босандыру төсектері орналастырылған.