арағанды облысында құқық қорғау органдары Ы.Алтынсарин атындағы мектеп-лицейде жарылғыш құрылғылар орнатылғаны туралы екі рет жалған ақпарат берген кәмелетке толмаған оқушыға қатысты қылмыстық іс қозғады, деп хабарлайды Almaty.tv тілшісі Polisia.kz-ке сілтеме жасап.
Бұл оқиғалар 2 және 3 қыркүйекте болды. Өзін қала мектептерінің бірінің оқушысы ретінде таныстырған белгісіз адам төтенше жағдайлар департаментінің кезекші бөліміне хабарласып, оқу орнындағы “жарылғыш зат” туралы айтқан. Тексеру барысында ақпарат расталмады.
Жедел-іздестіру іс-шаралары нәтижесінде Қарағанды облысы полиция департаментінің экстремизмге қарсы іс-қимыл басқармасының қызметкерлері мектеп-лицейдің кәмелетке толмаған оқушысының “жалған терроризмге” қатысы бар екенін анықтады.
«Ұсталған баланың айтуынша, ол сабаққа қатысқысы келмегендіктен осындай қадамға барған. Оның ата-анасы тәрбиелеу бойынша міндеттемелерін орындамағаны үшін әкімшілік жауапкершілікке тартылды. Тергеу әрекеттері жалғасып жатыр», - делінген хабарламада.
Аталған жағдай мұндай “әзілдің” орынсыз екенін және жасөспірімдердің әрекетін бақылау қажеттігін көрсетеді.
Оқи отырыңыз: Қостанайда 50-ден астам гүлзарды талқандаған вандал ұсталды
