Белгілі мемлекет қайраткері Балташ Тұрсымбаев қайтыс болды

Белгілі мемлекет және қоғам қайраткері Балташ Тұрсымбаев 76 жасына қараған шағында өмірден өтті, деп хабарлайды Almaty.tv тілшісі.

Бұл туралы журналист Жұмабике Жүнісова Facebook парақшасында жариялады.

"Жаңа ғана Серікбай Әлібаев қаралы хабарды жеткізді. Бүгін Балташ Молдабайұлы Тұрсымбаев қайтыс болыпты", - деп жазды Жүнісова.

Балташ Тұрсымбаев - 1946 жылы Ресейдің Омбы облысына қарасты Кіші Боранкөл ауылында туған.

Солтүстік Қазақстан облысы атқару комитетінің төрағасы, ҚР премьер-министрінің орынбасары, Қостанай облысының әкімі, Ауыл шаруашылық министрі қызметтерін атқарған.

Сонымен қатар қауіпсіздік кеңесінің хатшысы, елшілікте де еңбек еткен. Бірінші сыныпты төтенше және өкілетті елші.