Алматылықтар саяси қуғын-сүргін құрбандарын еcке алды

Саяси қуғын-сүргін құрбандарын еске алу үшін бүгін Алматының Наурызбай ауданында басқосу өтті, деп хабарлайды Almaty.tv.

Тарихтан тағылым шертіп, азапты жылдардың ауырлығын айтқан аудан ардагерлері «кейінгі буын сол қасіреттің мәнін ұғынса» дейді. Үнсіздік минутымен басталған іс-шараға аудандық әкімдік өкілдері мен мәслихат депутаттары, желтоқсаншылар мен репрессия құрбандарының ұрпағы қатысты.

– Ол кісіні 1938 жылы қамап, атып жіберген. Содан кейін әкеміз, қаншама ағайындары түрмеге кетті. Үлкен апамыз Күләнда Мұңайтбасқызы 11 жыл АЛЖИР-де болды. Менің әкем Сейдолла Ходжанов сол фамилиясы үшін 16 жыл түрмеге отырып келді, – дейді С. Қожановтың ұрпағы Әріп Қабыланов.