Бір күнде 2,5 мыңға жуық қазақстандық банкроттыққа өтінім берді

Мемлекеттік кірістер комитеті банкрот атанғысы келген қазақстандықтарға қатысты алғашқы мәліметтерді жариялады, деп хабарлайды Almaty.tv тілшісі Azattyq Rýhy агенттігіне сілтеме жасап.

«3 наурызда азаматтардан банкроттық туралы өтініш қабылдау басталған. Сағат 16:00-дегі жағдай бойынша банкроттық туралы соттан тыс 1 469 өтініш келіп түскен. Оның ішінде eGov арқылы 1 399, ал e-Salyq Azamat арқылы 70 өтінім бар. Алғашқы өтініш электронды үкімет порталы арқылы Жамбыл облысынан сағат 09:05-те келді», – делінген хабарламада.

Кірістер комитеті ұсынған ақпаратқа сәйкес, кешкі сағат 21:00-дегі жағдай бойынша ел аумағынан 2 466 өтініш түскен.

Банкроттыққа өтініш беру бойынша көш басында Түркістан облысы тұр (289 өтініш). Одан әрі 238 өтінішпен Алматы қаласы, үшінші орынға Алматы облысы (227 өтініш) орналасқан.

Оқи отырыңыз: Банкроттық туралы заң: борышкерлердің қарызы қалай кешіріледі