Меншікті өндіріс
Біз әлеуметтік желілердеміз
Үй арендасын субсидиялауға 19 мың адам өтінім берді
10 117 өтініш қабылданбады
7 маусымға дейін берілген өтінім саны – 19 285, оның 4750-і мақұлданды, деп хабарлайды Almaty.tv тілшісі ҚазАқпаратқа сілтеме жасап.
10 117 өтініш қабылданбады. Бас тарту себептері әртүрлі. Оның көпшілігі тіркеу кезінде СМС арқылы жіберілген кодты енгізбеген.
Өтінім қабылданбауының жиі кездесетін себептері:
жеке куәлігінің жарамдылық мерзімінің өтіп кетуі, өтінім берушінің атына тіркелген жылжымайтын мүліктің болуы, үй кезегіне тіркелмегені, салық қарызының болуы, оларға төлем талабы-өкімдерінің берілгені.
Әзірге қабылданбаған өтінімдер арасында:
- алушының немесе отбасы мүшелерінің деректерін тексеру бойынша – 836,
- табысы ең төменгі күнкөріс деңгейінен асып кетуі – 782,
- қатысушының өзі күшін жойғандар – 1887.
Еске сала кетейік, жалдау ақысын субсидиялау бағдарламасы 18 сәуірде іске қосылған болатын.