Қаңтар оқиғасында қаза болғандар тізімі міндетті түрде жарияланады

Қаңтар оқиғасында қаза болғандар тізімі міндетті түрде жарияланады. Жаңа тағайындалған бас прокурор Берік Асылов осылай деп уәде берді, деп хабарлайды Almaty.tv тілшісі.

Айта кетейік, Сенат кулуарында журналистер оқиға кезінде қаза тапқандар тізімі әлі күнге жарияланбағанына наразылық білдірді. Алайда бас прокурордың да жауабы қысқа болды.  

«Ол тізім міндетті түрде жарияланады. Сіздер міндетті түрде қатысасыздар. Бірақ қазір айта алмаймын. Қашан екенін айта алмаймын. Тергеу жүріп жатыр», - деді ҚР Бас прокуроры Берік Асылов.