Шамалғандағы апат: пойыз жолаушылары болған жайтты ертесі күні бір-ақ білген

Пойыздың сілкінгенін сезген, алайда оған аса мән бермепті.

Бұл туралы Stan.kz ақпарат агенттігі «Костанайские новости» басылымына сілтеме жасап хабарлайды.

Басылым мәліметінше, апатқа ұшыраған пойыз жолаушылары бұл туралы білмепті. Тек бірінші вагондағылар аздаған сілкіністі сезген. Ал пойыз тежегішінің күтпеген жерінен басылуы ешкімнің күдігін тудырмаған.

Жолаушылардың бірінің айтуынша, ол ұйықтауға арналған бетперде мен құлаққап тағып алған екен. Пойыздың сілкінгенін сезген, алайда оған аса мән бермепті.

Көптеген жолаушы апат туралы арада бір тәулік өткеннен кейін бір-ақ білген. Сондықтан пойызда дүрбелең туындамапты.

Басылым мәліметінше, пойыз апаттан шамамен бір сағат өткеннен кейін жолын жалғастырған.