Шығыс Қазақстан облысы мен Абай облысына қай аудандар енетіні белгілі болды

6 сәуірде жетінші шақырылған Шығыс Қазақстан облыстық мәслихатының кезектен тыс XIV сессиясы өтті, деп хабарлайды Almaty.tv.

Облыстық мәслихаттың кезектен тыс сессиясында жаңа әкімшілік-аумақтық бөлініс талқыланды.

Zakon.kz мәліметінше, жаңа бөлініске сай Шығыс Қазақстан облысы жалпы ауданы 97,8 мың шаршы шақырым аумақтың шекарасында айқындалады және оған Өскемен мен Риддер қалаларының шекарасы, сонымен қатар Глубоковский, Зайсанск, Катонқарағай, Күршім, Самара, Тарбағатай, Ұлан, Шемонаиха аудандары және Алтай өңірі кіреді. Өскемен облыстың әкімшілік орталығы болып қала береді.

Халық саны – 717,6 мың адам.

Абай облысының аумағы 185,5 мың шаршы шақырым болып, оның құрамына Семей мен Курчатов қалаларының шекарасы, сонымен қатар Абай, Аягөз, Ақсуат, Бесқарағай, Бородулиха, Жарма, Көкпекті, Үржар аудандары кіреді.

Халық саны – 638,3 мың адам.