Жамбыл Жабаевтың 175 жылдығына арналған «Жамбыл – жыр мұхиты» атты шығармашылық кеш өтті

Өткен шарада оқушылар ақынның өлеңдерін оқып, түрлі ән-күйлер шырқады

Бүгін Алматыда Жамбыл Жабаевтың 175 жылдығына арналған «Жамбыл - жыр мұхиты» атты шығармашылық кеш өтті, деп хабарлайды Almaty.tv.

Әуезов ауданы және Қазақстан жазушылар кітапханасының ұйымдастыруымен өткен шарада оқушылар ақынның өлеңдерін оқып, түрлі ән-күйлер шырқады.

«Жамбыл Жабаев ол өзінің жырыменен тарихқа енген. Қазақтың мәртебесін көтерген. Қазақтың абыройын асқақтатқан ұлы тұлғаларымыздың біреуі. Өсіп келе жатқан бүгінгі жиырма бірінші ғасырдың ұрпақтарына да үлгі ретінде, өнеге ретінде айтуға болатын алыптарымыз»,– деді ақын Дәулетбек Байтұрсынұлы.