Жамбыл Жабаев 175: Алматыда «Ұлы дала жыршысы» байқауының жеңімпаздары анықталды

Алматыда «Ұлы дала жыршысы» атты ауданаралық байқаудың жеңімпаздары анықталды. Жоғары сынып оқушылары арасында ұйымдастырылған байқауға 30-ға шуық өтініш келіп түскен. Нәтижесінде үздік деп танылған 6 оқушыға Медеу ауданы әкімінің алғыс хаты және сыйлықтар берілді, деп хабарлайды Almaty.tv.

Еске салайық, байқау жыр алыбы Жамбылдың 175 жылдығын мерекелеу қарсаңында ұйымдастырылған болатын. 

«Жамбыл атамызды қырсық шал дейді. Өйткені ол кісі қағидасына, ұстанымына берік болған адам. Ұстанымына қарама-қайшы келетін бір нәрсе болса, ондайға мойын бұрмаған. Өзінің ұсынысына мойын бұрмағаннан кейін ұсынысты беріп тұрып қабылдамаса, ой мынау қырсық шал екен дейді», – деді Ж.Жабаевтың шөбересі Бұлан Жамбыл.