Әнші Индира Еділбаева, актер Дидар Каден және бизнесмен Ларион Лян «Nur Otan» партиясын таңдады

«Nur Otan»-ның құрылғанына 22 жыл толуына орай, партияның Алматы қалалық филиалы белсенді және жігерлі алматылықтармен толықты. Партияның жаңа өкілдері қатарында денсаулық сақтау, мәдениет және спорт, шағын және орта бизнес өкілдері, сондай–ақ БАҚ қызметкерлері, студент жастар мен көпбалалы ана бар, деп хабарлайды Almaty.tv тілшісі партияның баспасөз қызметіне сілтеме жасап.

Еліміздің тәуелсіздігімен құрдас әнші Индира Еділбаева Қазақстанның басты саяси күшінің бір бөлігі болу үлкен мәртебе екенін айтап өтті.

Ал Алматы мемлекеттік энергетика және электрондық технологиялар колледжінің студенті Бекембай Сахи өткен жылдың қорытындысы бойынша «ҚР Топ-100 студенті» байқауының жеңімпазы атанды. «Nur Otan» партиясының игілігіне таңдауын студент талантты және болашағы зор алматылықтарға партияның сайлауалды бағдарламасында жүктелген ерекше үміттерді ақтауға дайын екендігін көрсетеді.

Жас кәсіпкерлерге көмек көрсететін алматылық бизнесмен Ларион Лян пандемия біздің еліміздегі экономикалық жағдайға теріс әсер еткенімен келіседі. Мәселен, Алматыда шағын және орта бизнестің көптеген кәсіпорындары, сауда, қызмет көрсету және туризм саласы коронакризистің соққысына ұшырады. Осындай жағдайда Nur Otan партиясы табысынан айырылған тұрғындарға, халықтың әлеуметтік жағынан осал топтарына және аз қамтылған отбасыларға нақты көмек көрсетті. Шағын және орта бизнес дағдарыс жағдайында мемлекеттен қолдау алды.

«Бүгінгі партияға қабылдау Алматы халқының басым бөлігінің Nur Otan жұмысына деген сенімін білдіреді. Партияның қалалық және аудандық филиалдары штаттық режимде жұмысын жалғастыруда, қоғамдық-саяси іс-шаралар өткізілуде, қоғамдық қабылдауда өтініш берушілердің өздерін толғандырған мәселелер бойынша өтініштері қаралуда. Бүгінгі таңда Алматының нұротандықтары барлық санаттағы азаматтардың лайықты өмір сүру деңгейін қамтамасыз етуге бағытталған партияның сайлауалды бағдарламасын сапалы жүзеге асыруға барын салатын болады», – деп қорытындылады Алматы қалалық филиалы төрағасының бірінші орынбасары Мейіржан Отыншиев.