Талдықорғанда баланы терезеге шығарған тәрбиеші жұмыстан шеттетілді

Талдықорғанда екі жасар баланы терезеге шығарған тәрбиеші жұмыстан шеттетілді. Еске сала кетейік, тәрбиеші терезеге шығарған бала екінші қабаттан құлаған еді, деп хабарлайды ҚазАқпарат.

«15 мамырдағы оқыс оқиға бойынша тергеп-тексеру жұмыстары жүріп жатыр. Осыған байланысты 16 мамырдан бастап тәрбиеші уақытша жұмыстан шеттетілді. Қазіргі таңда ол кісі жұмыста жоқ», - деді №19 орта мектеп-гимназиясы директорының тәрбие ісі жөніндегі орынбасары Ләйла Атагөзина.

Естеріңізге сала кетейік, 15 мамыр күні Талдықорған қаласында мектеп жанынан ашылған шағын орталықтың екінші қабатынан екі жасар қыз бала құлап кеткен болатын. Алғашқыда балалар ауруханасының жансақтау бөліміне ес-түссіз күйде түскен бүлдіршін қазір есін жиды. Бірақ жансақтау бөлімінде емін қабылдауда.