Алматыда мүмкіндігі шектеулі жандар мен көпбалалы аналарға сұлулық салондары тегін қызмет көрсетті

«Алмалы отбасын қолдау орталығы» ұйымдастырған акция 2019 жылдан бері бар

Алматыда мүмкіндігі шектеулі жандар мен көпбалалы аналарға сұлулық салондары тегін қызмет көрсетті. «Алмалы отбасын қолдау орталығы» ұйымдастырған акция 2019 жылдан бері бар. Қайырымдылықтың арқасында осы уақытқа дейін көптеген тегін шеберлік сағаттары өткізіліп, арнаулы көмек көрсетілген. Енді мұндай шара ай сайын өтіп тұрмақ.

«Маған осындай акцияның өткізіліп жатқаны туралы өздері хабарласып айтты. Шыны керек, басында сенбеп едім. Қазір қатты қуанып отырмын. Әрине, әр әйел сұлу болғысы келеді ғой», – деді қала тұрғыны Сәбина Қасымова.