2022 жылдың 1 шілдесінен бастап ПИК өз жұмысын тоқтатады

2022 жылдың 1 шілдесінен бастап ПИК өз жұмысын тоқтатады, деп хабарлайды Almaty.tv тілшісі.

Көппәтерлі үйлердің тұрғындары мүлік иелерінің бірлестігіне ( МИБ) немесе жай серіктестіктерге (ЖС) көшуі тиіс.

МИБ-нің ЖС-ден айырмашылығы:

МИБ - бұл коммерциялық емес ұйым  (КЕҰ) болып табылатын заңды тұлға және оған салық салу КЕҰ-да қолданылатын нормаларға сәйкес жүзеге асырылады. МИБ-тер Әділет министрлігінде тіркелуі және орардың өз жарғысы болуы  тиіс.

Жай серіктестік - бұл пәтерлер мен тұрғын емес үй-жайлардың барлық меншік иелерінің заңды тұлға құрмай,  тікелей бірлесіп  басқаруы. Тіркеу және жарғы талап етілмейді.

Бүгінде  Алматыда 4 294 көп пәтерлі тұрғын үйді (КПТҮ) қамти отырып, басқарудың 3 983 жаңа нысаны тіркелген, оның ішінде 857 МИБ және 3 126 ЖС, бұл нәтижесінде басқарудың жаңа нысандарына көшуге жататын КПТҮ жалпы санының 60,2% - ын құрайды.

Тұрғын үй саясаты басқармасы қалалық ЖОЛ картасын, тұрғындар арасында жиналыстар өткізу кестесін бекітті. ТКШ реформасы басталғаннан бері эпидемиологиялық жағдайды ескере отырып, шамамен 3 500 КПТҮ қамтумен 1 300 жиналыс өткізілді. Сондай-ақ, ZOOM арқылы тұрғындармен 200-ге жуық онлайн-кездесу ұйымдастырылды.

Қазіргі уақытта ТКШ реформасын іске асыруда кейбір проблемалық мәселелер бар:

- ПИК-тің үйді МИБ- ке, КПТҮ-ге құжаттар мен ақша қаражатын беруден бас тартуы. Бұл мәселелер көптеген жағдайларда сот шешімімен жүзеге асырылады, өйткені басқару органдарының төрағалары қабылдау-тапсыру актісіне өз еркімен қол қоюдан бас тартады.

- пәтерлердің, тұрғын емес үй-жайлардың меншік иелері кондоминиум құрамына енгізілмеген үй жанындағы және аула аумақтарын тазартудан бас тартады;

- ақша қаражатының аз түсуіне байланысты үйлерді күтіп-ұстаудағы қиындықтар

Барлық проблемалық мәселелер бойынша ҚР ИИДМ-ге хаттар жолданды. Сондай-ақ, ҚР Парламенті Мәжілісінің қаулысы бойынша Алматы қаласы ТКШ реформалау жөніндегі жұмыс тобының құрамына енгізілді.

МИБ және ЖС  құру үшін қандай қадамдар жасау керектігін естеріңізге саламыз:

1 қадам. Пәтерлердің, тұрғын емес үй-жайлардың барлық меншік иелері алдағы жиналыс туралы  (жиналыс өткізілгенге дейін 10 күн бұрын) болулары тиіс.

Жиналыс   меншік иелерінің кемінде 10% - ынан тұратын бастамашыл тобы арқылы шақырылады.

2  қадам.  Күн тәртібі белгіленеді:

- басқару формасын таңдау ( МИБ, ЖС);

- МИБ төрағасын немесе ЖС-тің  сенімді өкілін сайлау (1 жыл мерзімге);

-үй Кеңесінің мүшелерін сайлау (кемінде 3 меншік иесі, 3 жыл мерзімге);

- Тексерушіні немесе тексеру комиссиясын сайлау (кемінде 3 меншік иесі, 3 жыл мерзімге);

- жарғыны бекіту.

3  қадам. Жиналысты өткізу.

Меншік иелерінің жартысынан көбі қатысқан кезде шешім қатысушылардың көпшілік дауысымен қабылданады.

Кворум болмаған жағдайда жазбаша сауалнама жүргізіледі.

4 қадам. Жазбаша сауалнама

Пәтер иелерінің, тұрғын емес үй-жайлардың жартысынан астамының қатысуымен шешім қатысушылардың көпшілік дауысымен қабылданады.

5 қадам.  Дауыс беруді қорытындылаймыз.

Тіркеу және дауыс беру парақтарын қосып, хаттаманы ресімдеу.

6 қадам. МИБ-ін тіркеу.

"Азаматтарға арналған үкімет "Мемлекеттік корпорациясы" КЕАҚ тіркеу үшін талап етілетін құжаттар тізбесі:

- Өтініш;

- жиналыс хаттамасы;

- Жарғының 2 данасы;

- мемлекеттік баж салығын төлегені туралы түбіртек.

Тіркеу нәтижелері бойынша заңды тұлғаны мемлекеттік тіркеу туралы анықтама беріледі.

7 қадам. Ағымдағы және жинақ шотын ашу.

8 қадам. МИБ төрағасы жұмыс істеп тұрған басқару органына (ПИК, ПКСК, ПК) және тұрғын үй инспекциясына МИБ-тің құрылғаны туралы хабарлама жібереді.

9 қадам. Қызметтерді жеткізушілермен және сервистік қызмет субъектілерімен шарттар жасау. МИБ төрағасына мемлекеттік тіркеу туралы куәлікті және қабылдау-тапсыру актісін ұсынады

10 қадам. Өз үйлерін қамқорлықпен және жауапкершілікпен басқару.