Ақтөбе облысынан Қостанайға дейін жаңа газ құбыры салынады

Ақтөбе облысынан Қостанай қаласына дейін жаңа газ құбыры салынады. Жоба туралы ҚР Премьер-министрінің бірінші орынбасары Роман Склярдың Қостанай облысына жұмыс сапары аясында өңір әкімі Құмар Ақсақалов айтты, деп хабарлайды Аlmaty.tv тілшісі primeminister.kz-ке сілтеме жасап.

Әкімнің айтуынша, ауқымды жобаны іске асыру елді мекендерді де, оған қоса көп отын көлемін қажет ететін ірі инвестициялық жобаларды да газбен қамтуға мүмкіндік береді.

 - Қостанай облысында ауылдық елді мекендердің тек 28% орталық газбен қамтамасыз етілген. Сондықтан бұл жобаның өңір тұрғындары үшін маңызы зор, -  делінген Үкімет сайтында.

Мемлекет басшысы Қасым-Жомарт Тоқаев биыл қаңтар айында Қостанай облысына жұмыс сапары кезінде Ақтөбе облысынан Қостанайға дейін магистральдық газ құбырын салу жөнінде тапсырма берді. ҚР Энергетика министрлігі "QazagGaz" ҰК" АҚ бірлесіп, бірден техникалық-экономикалық негіздеме әзірлеуге кірісті. Қазіргі уақытта жұмыс толық қарқынмен жүріп жатыр.

 - Болат өнеркәсібіне арналған шикізат – ыстық крикетті темір өндіру жобасын іске асыру үшін газдың үлкен көлемі қажет болады. Сонымен қатар қажетті шикізат базасы мен білікті кадрлар бар, ендігі кезекте халықаралық сапа және экология стандарттарына сәйкес келетін түпкілікті өнім шығару, терең өндеу өндірісін жолға қою қажет, - деді Роман Скляр.

Премьер-министрдің орынбасары әкімдік алдағы уақытта да өңірді газдың қосымша көлемімен қамтамасыз ету мәселесін ескере отырып, инвестициялық жобаларды іске асыруды үйлестіру бойынша инвесторлармен жұмыс жүргізуі тиіс екенін айтты.

Облыс әкімдігі бұл жобаны іске асыру өңір үшін қуатты серпіліс екендігін атап өтті. Бұл жоба республиканың қолданыстағы газ тасымалдау желісімен байланыстыруға мүмкіндік береді және өңірдің табиғи газ бойынша қажеттілігін, оның ішінде бәсекеге қабілетті өндірісті дамыту үшін артып келе жатқан қажеттіліктерін қамтамасыз етеді.

Оқи отырыңыз:Шахтадағы апаттан қаза тапқан кеншілердің туыстарына қандай көмек көрсетілді