Президент Балташ Тұрсымбаевтың отбасы мен туыстарына көңіл айтты

Қасым-Жомарт Тоқаев Балташ Тұрсымбаевтың отбасы мен жақын туыстарына көңіл айту жеделхатын жолдады, деп хабарлайды Almaty.tv тілшісі БОРТ№1 Telegram каналына сілтеме жасап.

"Белгілі мемлекет және қоғам қайраткері Балташ Молдабайұлы Тұрсымбаевтың дүниеден өтуіне байланысты көңіл айтамын. Балташ Молдабайұлы ұзақ жылдар бойы еңбек жасап, бірқатар жоғары лауазымды қызметтерді абыроймен атқарды. Қоғамымыздың дамуына бар күш-жігерін арнады. Марқұмның иманы саламат, жаны жәннатта болсын", – делінген жеделхатта.

Алматыда 76 жастағы Балташ Тұрсынбаев 2022 жылдың 14 тамызында өмірден озды. Дәрігерлер мемлекеттік қайраткердің жүрек ұстамасынан кейін қайтыс болғанын растады.