Шамалған ауылындағы орта мектеп ұжымы Алғыс айту күнін қалай атап өтті

Алматы облысының Шамалған ауылындағы орта мектеп ұжымы Алғыс айту күнін атап өтіп, ардагер ұстаздарға құрмет көрсетті, деп хабарлайды Almaty.tv.

Іс-шара аясында көрме ұйымдастырылып, білім ордасының оқушылары мәртебелі мұғалімдер үшін концерт қойды. Сондай-ақ жөндеуден жаңа өткен мұғалімдер бөлмесіне алғашқы боп ардагер ұстаздарды кіргізіп, шашу шашқызды. Саналы ғұмырын ұстаздыққа арнап, шәкіртінің бойына тәлім мен тәрбие, саналы білім сіңіре білген педагогтер жас мамандарға ақыл-кеңесін айтып, ақ батасын берді.  

«Бүгін біздің Алғыс айту күнімен құттықтап шақырды. Еңбегімізді бағалап, құрмет көрсетіп жатқан мектеп ұжымына мың алғыс», – деді ардагер ұстаз Рашида Акчурина.

«Қыркүйектен бастап «Біртұтас тәрбие» бағдарламасын іске асырамыз деп дайындалып жүргенбіз. Бүгін міне осы іс-шараны ұйымдастырып жатырмыз. Қонақтарымызға керемет көңіл күй сыйладық деп ойлаймын», – деді Шамалған ауылындағы орта мектеп директорының орынбасары Саягүл Сейдағұлқызы.

Оқи отырыңыз: Бүгін – Алғыс айту күні