Мемлекет басшысы «Қазақстан Республикасының Ақпараттық доктринасын бекіту туралы» Жарлыққа қол қойды, деп хабарлайды Almaty.tv.
Ақпарат және қоғамдық даму министрі Дархан Қыдырәлі Президент тапсырмасына орай дайындалған доктринаның мақсатын facebook парақшсында атап өтті.
"Президент тапсырмасына орай дайындалған доктринаның мақсаты – ақпараттық кеңістікті қорғау, отандық медианы қолдау және ақпаратқа қолжетімділікті арттыру. Сонымен бірге азаматтық бірегейлікті нығайтуда, қазіргі заманғы үрдістер мен сын-қатерлерге жауап беретін ақпараттық саясатты жүзеге асыруда бұл құжаттың мәні мен маңызы зор.
Доктринаның бірнеше бағыты бар. Олар:
- отандық ақпараттық өнімнің және жалпы саланың бәсекеге қабілеттілігін арттыру;
- ақпараттық кеңістіктің негізгі бағыттарында ұлттық құндылықтардың үстемдігін қамтамасыз ету;
- халықаралық деңгейде сапалы ақпараттық қатысуды арттыру;
- саланың нормативтік құқықтық базасын жетілдіруге ықпал ету.
Ақпараттық кеңістікте ұлттық құндылықтарды ұлықтайтын бұл құжат саланы жаңа сапалық деңгейге көтереді деген сенімдеміз", - деді Ақпарат және қоғамдық даму министрі Дархан Қыдырәлі.
